Штип ја донесе одлуката, Маре Стојилова повторно на чело на Општинскиот комитет на Единствена Македонија

---

08.07.2026 | 14:00:35 | Соопштенија

---

---

Во просториите на Општинскиот комитет на Единствена Македонија во Штип, Маре Стојилова повторно ја доби довербата и е избрана за претседателка на Општинскиот комитет со нов четиригодишен мандат.

Изборот е спроведен согласно член 37 од Статутот на партијата, во рамки на тековниот процес на избор на претседатели на сите општински комитети на Единствена Македонија.

Овој изборен циклус носи и една новина - за првпат е воведена можноста за самокандидирање за претседатели на општинските комитети. Со овој чекор партијата ја отвора вратата за сите граѓани кои сакаат активно да се вклучат во политичкиот живот и да придонесат во остварувањето на визијата и целите на Единствена Македонија.

Сите заинтересирани кандидати можат да достават намера за кандидатура, по што ќе следуваат разговори и разгледување на нивните предлози и идеи.

Средбата во Штип не помина само во знакот на изборот, туку и во духот на македонската традиција и гостопримство. Маре Стојилова лично се погрижи за присутните, подготвувајќи пригоден коктел, славеничка торта и традиционална македонска погача - гест кој ја истакна нејзината посветеност, домаќински дух и почит кон македонските обичаи.

Центар за комуникации на Единствена Македонија
Скопје, среда, 8 јули 2026 година.

---