Единствена Македонија до Филипче: Зголемувањето е од буџетски народни пари - зошто некои пензионери да добијат петпати поголемо зголемување

---

29.11.2025 | 15:41:41 | Соопштенија

---

---

Единствена Македонија реагира на денешната прес конференција на лидерот на СДСМ Венко Филипче на кој тој се определи за процентуално зголемување на пензиите.

Единствена Македонија го прашува Филипче зошто таква себичност кога е општо познато дека процентуалниот модел е во корист на мала група со високи пензии.

Го потсетуваме Филипче на две работи:

Прво, зголемувањењто на пензиите е социјална а не економска категоргија, бидејќи, парите за зголемување се од буџетот кој го полнат сите и оттука како може од народни буџетски пари некој да земе зголемување, на пример 5.000 денари а некој 1.000 денари кога тоа се народни пари од буџетот.

Второ, при одењето во пензија веќе е вреднуван минатиот труд на секој пензионер. Некој заминува во пензија со 60.000 денари, а некој со 15.000 денари, зависно од работниот стаж и висината на уплатените придонеси и овие разлики се оправдани и не се спорни. Но, откако ќе се замине во пензија, сите се еднакви - без разлика дали биле функционери, професори, судии, службеници, работници или земјоделци. Сите имаат статус на пензионери и се работно неактивни.

Во изминатите 35 години во самостојна и демократска Македонија, клучната ставка во пензискиот фонд е пари од буџетот. Тоа значи дека при зголемување на пензиите, се префрлаат средства од буџетот во пензиската каса. Бидејќи се работи за буџетски пари, зголемувањето на пензиите треба да биде линеарно и еднакво за сите пензионери.

Единствена Македонија очекува да проработи совеста кај Филипче и сите заедно да се избориме за линеарното зголемување на пензионерите кое е правилно и човечно.

Во ова тешко време, најголемиот дел од 330.000 пензионери едвај преживуваат. Пензионерите кои ја граделе оваа држава заслужуваат достоинствена старост, а не борба за опстанок.

Центар за комуникации на Единствена Македонија
Скопје, сабота, 29 ноември 2025 година

---