Единствена Македонија: Мицотакис му кажа на Зеленски дека е против кршење на меѓународното право, Ковачевски вечерва да побара од Мицотакис почитување на меѓународното право спрема Македонците

---

22.08.2023 | 10:37:43 | Соопштенија

---

---

Единствена Македонија ја поздравува изјавата на грчкиот премиер Киријакос Мицотакис по средбата со украинскиот претседател Володимир Зеленски дека Грција е против кршењето на меѓународното право.

Затоа, го повикуваме Димитар Ковачевски вечерва на заедничката вечера во Атина на лидерите од Западен Балкан и Шарл Мишел и Урсула фон де Лајен од ЕУ, јавно да побара од Мицотакис почитување на меѓународното право спрема Македонија и Македонците од страна на Грција.

За таа цел, мудро е Ковачевски вечерва да му каже на Мицотакис дека го крши меѓународното право со т.н. преспански договор со кој се менува името, идентитетот, историјата и традицијата на македонскиот народ и дека овој договор мора да се поништи бидејќи е во спротивност со меѓународно право. Исто така, Ковачевски да го потсети Мицотакис дека Грција според меѓународното право е во обврска да ги почитува националните права на Македонците во Егејска Македонија бидејќи Грција е потписник на повеќе меѓународни акти за заштита на овие права.

Центар за комуникациина Единствена Македонија
Скопје, вторник, 22 август 2023 година

---