Единствена Македонија до МВР и владата на СДСМ: На кого дадовте 80.000 државјанства во изминатите три години!?

---

21.11.2022 | 13:13:33 | Соопштенија

---

---

Поминаа три дена од опасната изјава на директорот на АНБ после седницата на соодветната собраниската комисија на која реферираше за случајот Онишченко каде меѓу другото рече дека во изминатите 3 години откако е директор на АНБ биле направени дури 80.000 безбедносни проверки во контекст на барањата за добивање на македонско државјанство. Оваа изјава поминува незабележано од медиумите а со тоа од пошироката јавност иако станува збор за издадени 80.000 државјанства за три години.

80.000 државјанства за три години е исклучително голема бројка, народот, јавноста имаат право да знаат кои се тие лица што добиле македонско државјанство, каква е нивната етничка структура, дали за овие 80.000 лица е запазена процедурата за безбедносна проверка на три нивоа и добивање потпис од десет припадници на АНБ.

МВР и владата на СДСМ да дадат одговор пред народот.

Единствена Македонија ветува дека ќе ги преиспита сите овие новодобиени 80.000 државјанства во последните 3 години како и сите државјанста давани претходно со цел јавноста да се запознае со начинот на нивно издавање. И не само тоа. Ветуваме дека сите неосновани државјанства ќе бидат поништени.

Центар за комуникации на Единствена Македонија
Скопје, понеделник, 21 ноември 2021 година

---