Единствена Македонија ја презема црвената боја како своја боја, бојата на македонските востаници, илинденци, партизани, бојата на десницата, бојата на вечната македонска борба

---

26.06.2022 | 16:04:25 | Соопштенија

---

---

Централниот комитет на Единствена Македонија донесе одлука со која Единствена Македонија ја впишува црвената боја, како своја боја, бојата на македонските востаници, илинденци и партизани, на победата, на десницата, бојата на издржливоста, бојата на вечната македонска борба за слобода.

Новиот лик на Единствена Македонија не се случи преку ноќ - заедно, напорно работевме сите наши членови во годините наназад и успеавме да ја етаблираме Единствена Македонија како партија која во основа се бори за одбрана на македонските интереси и успеавме. Одлуката е всушност операционализација на одлуката на Централниот комитет од декември 2019 за прогласување на Единствена Македонија за наследник на историското ВМРО, ИЛИНДЕН и АСНОМ.

Денес, македонскиот народ и државјаните на Република Македонија ја имаат само Единствена Македонија со силна национална и патриотска определба која секогаш е на првата линија во одбрана на македонските национални и државни интереси.

Тоа е нашиот бренд. Цврста, моќна, национална и патриотска Единствена Македонија, партија која никогаш нема да ја предаде Македонија, нашата земја, нашата татковина. Македонија е нашата татковина, Македонија е нашиот дом. Онака како што се бориме за нашите домови, се бориме и за Македонија!

Центар за комуникации на Единствена Македонија
Скопје, недела, 26 јуни 2022 година

МИА

Вечер прес

Грид

Тајм

---