Единствена Македонија до владата: Како не ви е срам, барањето на СОНК за покачување на платите од 18,4 отсто ви е преголемо, а вашите плати од 90.000 денари се нормални

---

21.04.2022 | 13:38:01 | Соопштенија

---

---

Марионетската влада во одговор на барањата на СОНК за покачувањето на платите на наставниците и воспитувачките за 18,4 отсто вели дека било преголемо во ваква криза.

Истовремено, владата постојано се фали со покачување на платите во градинките и училиштата во периодот 2017-2021 и таму платите во моментот биле 25.000 денари.

Единствена Македонија прашува за каква криза зборува владата кога главната криза во државата е владеењето на беззаконие, криминал, корупција, непотизам и национално предавство. Исто така, како може барањето на СОНК за покачување од 18, 4 отсто на плати од 25.000 да биде преголемо, а во исто време владините министри да земаат по 90.000 денари.

Единствена Македонија ја повикува владата доколку искрено верува дека земјата е во криза и дека сите треба солидарно да ги чуствуваме последиците од кризата, веднаш да ги намали платите на владините министри за половина и на тоја начин да пренасочи средства за покачување на платите на наставниците и воспитувачките кои заслужуваат подостоинствена позиција, бидејќи нивните плати се под секое човечко достоинство.

Центар за комуникации на Единствена Македонија
Скопје, четврток, 21 април 2022 година

Пресс 24

Тајм

Грид

---