Единствена Македонија до Левица: Благодариме што го официјализиравте во Собранието нашиот предлог-закон за укинување на апанажа

---

27.01.2022 | 14:11:15 | Соопштенија

---

---

Единствена Македонија изразува благодарност до партијата Левица што го официјализира нашиот предлог закон за укинување на апанажата.

Потсетуваме, Единствена Македонија на 25.08.2009 во Собранието под ев. број 3699/1 поднесе Предлог-Закон за изменување и дополнување на Законот за плата и други надоместоци за избрани и именувани лица во Република Македонија за кратење на функционерските привилегии по престанок на мандатот.

Тогашниот собраниски спикер Трајко Вељановски повратно не информираше дека нашиот предлог закон им е поделен на пратениците, но за жал, нешто се случи во меѓувреме и предлог законот остана закочен во собраниските фиоки.

Но, добро е што двајцата пратеници на Левица го откочија предлог законот како овластени предлагачи на закон во Собранието.

За Единствена Македонија нема дилема. Непримерно е државни функционери да земаат функционерска плата и по престанок на мандатот а ништо да не работат. Дотолку повеќе, неморалното, нечесно и неправедно барање на поранешните министри Радмила Шеќеринска, Никола Димитров, Мила Царовска и други да добиваат апанажа и да уживаат во ненародните привилегии го покажува сиот гнилеж на македонските власти.

Како и да е, новата легална власт на Единствена Македонија е гарант и ветува дека ќе ги укине скандалозните функционерски привилегии за бесмилосното трошење на народните пари и непотребното луксузирање врз грбот на даночните обврзници.

 

Центар за комуникации на Единствена Македонија
Скопје, четврток, 27 јануари 2022 година

---