Единствена Македонија: Новата влада е голем срам и понижување за Македонците од етнички, патриотски, религиски и професионален аспект

---

17.01.2022 | 12:02:15 | Соопштенија

---

---

Новоизбраната влада е голем срам и понижување за Македонија и Македонците гледано од етнички, патриотски, религиски, стручен и професионален аспект.

Гледано од етнички аспект, во новата влада мнозинство се министри од други етнички заедници со доминантна улога на дури 10 министри - Албанци и уште неколку од помали етнички заедници. Според законот, владата одлуките ги донесува со мнозинство гласови, што значи дека македонски народ во својата матична држава добива второстепена улога во управувањето на Република Македонија.

Од патриотски и национален аспект гледано, во владата доминираат личности кои се директни учесници во најголемото злосторство врз македонскиот народ со бришење на името, идентитетот, историјата и традицијата на македонскиот народ.

Религиски глеадно, во новата влада доминираат министри со неправославна вероисповед во доминантно православна Македонија.

Конечно, кадровскиот состав во владата е со многу слаб стручен и професионален потенцијал во која доминираат сервилни и полтронски личности кои се поставени на тие позиции врз основа на партиски калкулации, а не врз основа на знаење, способност, достигнување и работни компетенции, со исклучок на министерот за правда. Што е поинтересно, во безбедносните и ресорите за за борба против високиот криминал и корупцијата се поставени партиски кадри заглавени во корупција, што значи дека државата и понатаму ќе ја водат длабоко корумпирани личности.

Единствена Македонија останува на ставот дека е потребно да дојде народна власт со силна национална и патриотска определба која знае, може и смее да ги поништи антимакедонските договори и да води борба против корупцијата, вистински, а не лажно и профитерски како што тоа го прави марионетската влада на СДСМ и ДУИ.

Центар за комуникации на Единствена Македонија
Скопје, понеделник, 17 јануари 2022 година

Медиуми:

Макфакс

Утрински весник

Инфо

Мнет

МТМ Скопска

Грид

Тајм

Вести

Дејли

---