ФРОДЕМ: Претседателе Пендаровски немојте и понатаму да импровизирате со вашите омилени лидери и партиски експерти

---

03.05.2020 | 18:01:50 | Избори

---

---

Писмо, Коалиција „Никогаш северна - само Македонија“ ФРОДЕМ - Фронт за демократска Македонија Скопје, недела, 3 мај 2020

ФРОДЕМ во име на Коалицијата ,,Никогаш северна само Македонија” испрати писмо до Претседателот на Република Македонија во врска со намерата да закаже нова лидерска среда.

„Почитуван Претседателе на Република Македонија

Коалицијата ,,Никогаш северна, само Македонија” по втор пат се обраќа до Вас на претстојната лидерска средба која имате намера да ја закажете деновиве, на истата да бидат повикани и претставници на останатите политички партии и асоцијации кои поднеле листи за кандидати за пратеници за претстојните парламентарни избори и чии листи се потврдени од страна на ДИК.

Ова го бараме поради фактот што на средбата на која донесовте одлука за одложување на изборите беа повикани само лидерите на политичките партии кои досега имаа свои пратеници во Собранието на Република Македонија, а останатите беа игнорирани, иако Собранието и тогаш беше распуштено.

Бидејќи Вие и правните експертите на СДСМ и ДПМНЕ на една од претходните средби завземавте став дека Собранието е распуштено и нема право повторно да се состане, сметаме дека одржувањето на средба во ист таков формат како и досега нема да има легитимитет и легалитет по ниту еден основ. Штом Собранието е распуштено тоа значи дека лидерите на партиите немаат свои претставници во Собранието и истите тие не можат и не смеаат сами да одлучуваат за повторно одредување на датум за одржување на парламентарните избори.

Затоа ФРОДЕМ – ,,Фронт за демократска Македонија” во име на Колицијата ,,Никогаш Северна, само Македонија” инсистира од Вас на средбата да бидат поканети и лидерите односно претставници на сите политички партии и коалиции кои поднесоа листи со кандидати за претходно закажаните избори на 12 април 2020 година. Ова го бараме и поради фактот што лидерите на донедамна парламентарните политички партии го немаат екслузивното право во име на сите граѓаните на Република Македонија, ниту пак поголем или ексклузивен кредибилитет за разлика од останатите политички париии во државата во оваа ситуација, повторно сами да одлучуваат за одржување на датум за парламентарни избори. Сега сите партии и коалции кои поднеле листи на кандидати имамат ист статус како и право рамноправно да го изнесат својот став по однос на одржувањето на претстојните избори.

Се надевам дека ќе имате доблест и нема да си дозволите повторно свесно да го прекршите Уставот и уставно загарантираните слободи и права како и моралните норми и принципи. Исто така сакаме повторно да ви потенцираме и да ви укажеме доколку повторно се одржи средба без претставници на партиите и коалициите кои имаат поднесено листи на кандидати за закажаните избори истата би била нелегална и нелегитимна и за тоа ќе бидеме принудени да поведеме постапка пред надлежните институции во државава како и да ја известиме пошироката јавност.

Центар за комуникации на Коалицијата „Никогаш северна - само Македонија“ Скопје, недела, 3 мај 2020 24 Инфо Грид Тајм

---