Сопартијците на Бачев со извици „Русија, Русија“ ги пречекаа Александар Дугин и Леонид Савин

03.03.2018 | 07:14:02 | Прес Конференции

Единствена Македонија, денес, сабота, 3 март 2018 организираше панел дискусија на тема: „Република Македонија во стратешки сојуз со Русија и членство во Евроазиската економска унија“.

Говорници на панел дискусијата беа проф. Александар Дугин, проф. Леонид Савин, проф. Јанко Бачев и проф. Стефан Влахов Мицов.

https://www.youtube.com/watch?time_continue=1250&v=mI4LqMKxSTc

Во преполната сала, високите гости од Русија јасно ја изразија подршката на Русија за заштита на територијалниот интегритет и суверенитет на Македонија, заштита на вековното македонско име, а прашањето за влегувањето во НАТО, ЕУ или стратешки сојуз со Русија и членство на Македонија во Евроазиската економска унија треба да биде слободен избор и ваше право. Република Македонија е ваше име, тоа е вашиот идентитет и никој нема право да ве притиска да го промените вашето име, јасно порачаа двајцата советници на Путин. Во оваа насока, Дугин и Савин уште рекоа дека политичката судбина на еден народ треба да ја решава самиот народ и Русија верува дека најголем принцип е принципот на суверенитет.

Претседателот и заменик претседателот на Единствена Македонија, проф. Јанко Бачев и проф. Стефан Влахов Мицов, истакнаа дека новата легална власт на Единствена Македонија ќе ја спроведе јасно изразената намера на македонскиот народ и поголем дел од малцинствата во државата за стратешки сојуз со Русија и членство на Македонија во Евроазиската економска унија. Панел дискусијата предизвика голем интерес кај присутните кои поставија голем број прашања до говорниците на панел дискусијата.