Скандал, сите 63 советници на Заев правно неписмени, не знаеле дека е незаконски да биде и премиер и министер

---

26.06.2019 | 16:19:31 | Соопштенија

---

---

Единствена Македонија изразува шокираност од непознавањето на законските прописи на големиот број советници на Зоран Заев во Владата на Република Македонија.

Скандалозен е податокот дека според Законот за спречување на корупцијата и судирот на интереси (член 44) функцијата премиер и функцијата министер се неспојливи, а советниците на Заев во владата тоа не го знаеле.

Заев се избламира на отворена сцена со незаконското себеназначување за премиер и министер за финансии. Но, случајот е и голем меѓународен срам за државата оти на Заев во владата му делат памет правно неписмени советници кои не ги познаваат законите во државата, што само по себе е штетно и за националните и државните интереси.

Заев има 39 надворешни соработници со плата од 1.200 до 1.500 евра и заедно со посебните советници во неговиот кабинет чинат вкупно 63 советници и за кои годишно за плати се трошат 1,5 милион евра народни пари од буџетот.

За време на власта на Зоран Заев во земјата владее безаконие, корупција и бесмилосен грабеж на народни пари од позиција на власт, фамилијарност, непотизам, партизираност при ангажирање на кадри во државните институции. Наивно сме верувале дека Заев ги бира советниците во владата врз основа на знаење, способност и достигнување - па, кој, ќе го пљачка тогаш македонскиот народ и државјаните на Република Македонија!

Центар за комуникации на Единствена Македонија
Скопје, вторник 26 јуни 2019

Медиуми:

А1 он

Макфакс

Точка

Нетпрес

Макпрес

Центар

Тајм

Вести

Дејли

Грид

---