Вистината е како шило, врти, врти, ќе избие, не биле руски, туку биле грчки пари од 50 милиони евра за поткуп во Македoнија

---

25.10.2018 | 17:49:54 | Соопштенија

---

---

Зоран Заев очајнички ширеше лаги за руски пари во Македонија надевајќи се дека лажната пропаганда ќе му помогне на референдумот. Лагите на Заев не поминаа. Македонскиот народ и поголем дел од граѓаните масовно го бојкотираа референдумот на 30 септември.

 

Вистината е како шило. Врти, врти, па ќе излезе на виделина. Вистината е навистина како шило и излезе на виделина. Се виде дека во Македонија немало руски пари, туку имало грчки пари. Им благодариме на грчките министри Панос Каменос и Никос Коѕијас кои на седница на грчката влада обелоденија дека во грчкото министерство за надворешни работи имало таен фонд од 50 милиони евра за купување политичари, новинари и медиуми во Македонија за промена на името, идентитетот, историјата и традицијата на македонскиот народ.

 

И по пет дена од оваа скандалозна информација, целосен молк од власта. Го повикуваме Зоран Заев да каже како и меѓу кого се поделени овие 50 милиони евра во Македонија. Одговорност за грчки пари за купување на политичари, медиуми и новинари во Македонија, мора да има.

 

Центар за комуникации на Единствена Македонија Скопје, четврток, 25 октомври 2018

Медиуми: А1 он Макфакс Точка Тајм Вести Дејли Грид

---