(ФОТО) Единствена Македонија се шири во дијаспората, формирани Задгранични комитети во Швајцарија

25.06.2018 | 09:49:34 | Соопштенија

Единствена Македонија испишува нова историја во дејствувањето на партијата со формирањето на Задгранични комитети во дијаспората. Викендов, 23 и 24 јуни 2018, претставници на Македонците од т.н. германски, француски и италијански дел на Швајцарија формираа три Задгранични комитети во Швајцарија. За координатор на Задграничните комитети е избран Живко Атанасов.

Во наредниот период продолжуваме со формирањето на Задгранични комитети и во други европски земји како и во Австралија, Канада и САД.

Пред претставници на нашинците во Швајцарија се обрати претседателот на Единствена Македонија проф. д-р Јанко Бачев.

-„Да и помогнеме на Македонија, вклучете се, заедно да расчистиме со националните предавници купени и контролирани од странските газди и кои 27 години лажат, крадат и ја растураат државата. Да ги спречиме опасните закани спрема Републиката, прво, промена на името, и второ, федерализација. На крајот, сплотени и единствени ќе успееме. Ова што го слушате од владините експерти и новинари дека се е готово, заборавете го, тоа е една голема лага оти ништо не е готово. Имаше една приватна забава на Заев и Ципрас за некакво договор кој нема правна сила а истиот е ништовен според меѓународното право, бидејќи прво, не е потпишан од овластени државни органи оти владата нема надлежност за такви договори, и второ, договорот има недозволен предмет оти за име не може да се преговата бидејќи името е прашање на внатрешната надлежност и околности, а не на меѓународното право.

Единствена Македонија останува на првата линија во борбата за одбрана на националните интереси. Под закрилата на оваа идеа никогаш нема да ги изневериме Македонија и Македонците и како партија која е исконски поврзана со традицијата на македонскиот народ и со неговата желба за суверена и унитарна Македонија на македонскиот народ со гарантирана положба на малцинствата според меѓународното право. Своето дејствување и понатаму ќе го темелиме на својата програма која е нашата политичка платформа и визија за развој на државата во чија основа е одбрана на името, унитарниот карактер на државата, неприфаќање по никоја цена двојазичност и федерализација на земјата, благосостојба за народот, меѓутоа, ова ќе го оствариме само ако ги надминеме делбите и се обединиме на македонски. Македонскиот народ каде и да живее е силно вознемирен од разнебитувањето на државата од страна на марионетската власт во Скопје, меѓутоа, бидете спокојни, новите геополитички поместувања на Балканот се навестуваат, а новата легална власт на Единствена Македонија произлезена од народот, доаѓа, со што го обезбедуваме опстанокот и просперитетот на Татковината„ им порача на нашинците во Швајцарија лидерот Бачев.

Центар за комуникации на Единствена Македонија
Скопје, 26 јуни 2018