Седиштето на ДПМНЕ го офарба ВМРО

---

24.06.2018 | 19:35:16 | Соопштенија

---

---

Единствена Македонија најдобронамерно ја советува ВМРО-ДПМНЕ да престане со барањето да се  откријат лицата кои синоќа флрија боја врз нивното седиште бидејќи ќе ја видат страшната вистина дека седиштето на ДПМНЕ го офарба ВМРО.

Суштествено прашање кое бара математички прецизен одговор е - зошто ВМРО е против ДПМНЕ!?

Го повикуваме ДПМНЕ да се врати на изворните принципи на ВМРО за суверена и унитарна Македонија на македонскиот народ со гарантирана положба на малцинствата според меѓународното право и со неотуѓиво и со ништо неограничено историско и меѓународно правно-признато право да го носи името - Република Македонија.

ДПМНЕ да престане да биде соучесник на марионетската власт во Скопје во погубните политики за рушење на Македонија и Македонците, инспирирано и организирано од странски ментори.

За почеток, ДПМНЕ да се изјасни дека е против референдум за името, а доколку марионетската власт во Скопје сепак организира референдум, ДПМНЕ да се изјасни за бојкот и истовремено пратениците на ДПМНЕ да поднесат оставка во Собранието со што се отвора патот за една од варијантите за одбрана на името.

Центар за комуникации на Единствена Македонија Скопје, 24 јуни 2018 Медиуми: А1 он Макфакс Слободен печат Скај Весник Вечер Фокус ТВ Канал 5 ТВ Алсат - М Тајм Дејли Вести Грид

---